​कर्णाली अटोमोबाइल्स एशोसिएशन नेपालको अध्यक्षमा इन्द्रबहादुर खड्काको नेतृत्वमा नयाँ कार्यसमिति चयन भएको छ। तीन वर्षे कार्यकालका लागि चयन भएको नयाँ टिमले कर्णाली क्षेत्रमा अटोमोबाइल्स क्षेत्रको विकास, व्यवसायीको हकहित र सबै जिल्लामा बलियो व्यावसायिक सञ्जाल निर्माण गर्ने योजना अघि बढाएको जनाइएको छ । व्यवसायीका समस्या सम्बोधन गर्न सम्बन्धित सरकारी निकाय र नाडाको केन्द्रीय समितिसँग समन्वय गरिने अध्यक्ष खड्काले जनाए ।

बिज्ञापन

उनका अनुसार,​कार्यसमितिको कार्यसम्पादनलाई प्रभावकारी बनाउन मासिक बैठकको पालोपालो नेतृत्व गर्ने र कामको आधारमा तीनवटा टिमबीच स्वस्थ प्रतिस्पर्धा गराएर पुरस्कृत गर्ने योजना अगाडि सारिएको छ । यस्तै, वर्षभरि ट्राफिक सचेतना, आजीवन सदस्यता विस्तार र संगठन सुदृढीकरणलाई मुख्य कार्यक्रमको रूपमा सञ्चालन गरिनेछ।